Gure helburua argia da: frontoiaren ateak zabaldu nahi dizkiegu emakume pilotari berriei, haien talentuak, dedikazioak eta grinak merezi duten lekua aurki dezaten.
Berdintasunean sinisten dugu, kirolaren bikaintasunean eta gure ondarea zaintzearen garrantzian. Gure helburua da balio horiek sustatzea eta komunitate osoarekin partekatzea.
Talde konprometitu bat osatzen dugu, ilusioak eta lan gogorraren bidez, ametsak inspiratu eta errealitateak eraldatuko dituen ondarea eraikitzeko.
Gure lehenengo eskola-pilotarietatik hasi eta gure elastikoa harro janzten duten profesionaletaraino, mugak gainditzeko eta inoiz pentsaezinak ziruditen helburuak lortzeko lan egiten dugu.
Tradizioa eta etorkizuna gara. Pasioa eta konpromisoa gara. ADOS PILOTA gara.
ADOS PILOTA euskal pilotaren historian mugarri bat da: emakume pelotarien lehenengo klub profesionala sortzeko apustu sendoa. Gure helburu nagusia emakumeen parte-hartzea sustatzea da, kirol tradizional honetan aukera berdintasuna eta ikusgarritasuna emanez.
Gure proiektua bi ardatz nagusitan oinarritzen da:
Haur eta gazteentzako eskola bat dugu, non pilota ezagutzeko eta praktikatzeko aukera ematen diegu. Gaur egun, gure eskolan 35 neska ditugu, beren lehen pausoak ematen.
13 emakumezko pelotariz osatutako taldea dugu, non jokalariak trebatzen, teknifikatzea sustatzen eta kirolari profesional modura kontratu bidez babesten ditugu.
Gure misioa ez da kirola sustatzea soilik, baizik eta berdintasuna eta inklusioa erdigunean jartzea. Horrela, jokalariek ezagutza tekniko eta taktikoa garatzeaz gain, lan taldean aritzea, diziplina eta errespetua bezalako balioak barneratzen dituzte. Emakume pelotariak ahalduntzen ditugu, lidergoa eta konfiantza sustatuz.
Gure frontoiak tradizioa eta etorkizuna uztartzen dituen topagune dira. Euskal pilotaren arima mantentzen dugu, baina ate berriak irekitzen dizkiegu emakume pelotariei, mendeetan soilik gizonezkoen eskura egon den eremuan.
ADOS PILOTA-n, lan egiteko gogoak, konpromisoak eta berdintasunaren aldeko apustuak definitzen gaituzte. Gure bideak inspirazioa eta eraldaketa ekarri nahi dizkio euskal gizarteari. Emakumeek frontoiaren historia berridazten ari dira, eta gu, haiekin batera, etorkizuna eraikitzen.
ADOS PILOTA 2021. urtean sortu zen, euskal pilotaren historian aldaketa bat eragiteko asmoz. Euskal kulturaren oinarrietako bat den kirol hau emakumeentzat eremu zabalago eta bidezkoago bihurtzea izan zen gure hasierako erronka.
Ideia honek erantzuna eman nahi zion emakume pilotariek bizi duten errealitateari: talentu handia izan arren, bigarren mailan geratu dira, tradizioz gizonezkoek dominatutako espazio batean. Gure proiektua ilusioz, lan gogorraz eta berdintasunaren aldeko apustu irmoz eraiki genuen.
ADOS PILOTA-k bi ardatz nagusi ditu: pilotari gazteentzako eskola, batetik, eta pilotari profesionalen taldea, bestetik. Horrela, txikitatik hasten den bideari jarraipena ematen diogu, profesionaltasuneraino iristeko bidea eskainiz, aukera berriak zabalduz.
Emakumeak ahalduntzea: emakume pilotariei espazio segurua eta inklusiboa eskaintzea, euren talentua garatu, konfiantza indartu eta lidergoa sustatu ahal izan dezaten
Kirol bikaina sustatzea: prestakuntza, teknifikazio eta lehiaketaren bidez, gure jokalariek euren potentziala osotasunean lor dezaten laguntzea. Profesionaltasuna eta kalitatea dira gure lanaren oinarriak.
Balioak lantzea: diziplina, talde-lana, errespetua eta norberaren garapena dira gure klubaren oinarriak. Balio horiek ez dira kirolean soilik islatzen, baita eguneroko bizitzan ere.
Gizarte-eragina sortzea: Pilotaren bidez, estereotipoak apurtu eta berdintasuna sustatzea, emakumeen ahotsa ozenago entzun dadin. Gure jardunak aldaketa positiboa ekarri nahi du gizartean.
Tradizioa zaintzea: Euskal pilotaren arima eta historia errespetatuz, emakumeen parte-hartzea bermatzea, kirol honek mendeetan zehar izan duen garrantzia etorkizunean ere mantentzeko.